Njoftim!
Autoriteti Rrugor Shqiptar në bashkëpunim me Policinë Rrugore dhe Policinë e Shtetit do të bëjnë devijim të përkohshëm trafiku për mjetet e rënda në aksin rrugor Thumanë–Fushë Krujë–Kamëz.
Me qëllim disiplinimin e trafikut gjatë sezonit turistik veror, duke marrë në konsideratë numrin e lartë të mjeteve, do të bëhet një devijim i përkohshëm i qarkullimit të kamionëve me peshë mbi 7.5 T nga Fushë Mamurrasi në kryqëzimin e Luzit sipas skemës së treguar më poshtë.
Ky devijim do të fillojë ditën e premte datë 19.05.2023, përgjatë orarit 06:00–20:00 dhe do të vazhdojë deri në përfundim të sezonit veror.
Janë marrë të gjitha masat sipas Planit të Menaxhimit të Trafikut, si dhe për vendosjen e sinjalistikës provizore për të orientuar përdoruesit e rrugës.
Autoriteti Rrugor Shqiptar kërkon mirëkuptimin e drejtuesve të mjeteve lidhur me këtë devijim.
![](https://www.arrsh.gov.al/te-ngarkuara/347123343_1324737404921332_3411452949438720318_n-169x300.jpg)
![](https://www.arrsh.gov.al/te-ngarkuara/347386053_162408773432096_8971728323267860693_n-1-240x300.jpg)
![](https://www.arrsh.gov.al/te-ngarkuara/347411930_1284478242144332_1897132870269317290_n-300x202.jpg)
![](https://www.arrsh.gov.al/te-ngarkuara/347562940_913015199756981_7555941041501011797_n-1-300x159.jpg)